sur da nus   actualitad   premiads   cussegl da fundaziun e giuria   istorgia faq contact   links
e-mail   DE   FR   IT   RUM
                                             
                                             
     
 

La Fundaziun Schiller svizra promova la lavur litterara en las quatter regiuns linguisticas da la Svizra e sia percepziun sur ils cunfins linguistics ora.
La fundaziun exista dapi l'onn 1905. Cun ses num renda ella omagi a Friedrich Schiller (1759-1805), l'autur dal Guglielm Tell.
Il cussegl da fundaziun sa cumpona da persunas da tut las quatter regiuns linguisticas da la Svizra - da lecturas e lecturs passiunads, d'auturas, schurnalists, bibliotecars, linguistas e scienziads da litteratura.
En il center da las actividads stat dapi l'onn 2013 la surdada dals premis "Terra nova":
Terra nova. Nov premi da la Fundaziun Schiller svizra per ovras e traducziuns litteraras
Onurad(a)s vegnan:

  • Auturas ed auturs che stattan a l'entschatta da lur carriera litterara. Els/ellas vegnan onurad(a)s per in'ovra litterara persvadenta ed empermettenta en ina da las quatter linguas naziunalas da la Svizra
  • Traducturas e traducturs che han translatà in'ovra litterara d'ina lingua naziunala en in'autra e che han rendì accessibla ed enconuschenta l'ovra d'in autur u d'ina autura svizra ad in publicum pli vast cun ina translaziun litterara d'auta qualitad

Las auturas ed ils auturs da las ovras premiadas e da las ovras translatadas ston avair la naziunalitad svizra ubain viver en Svizra dapi almain tschintg onns. I na dat nagina limita da vegliadetgna.

 

 

 

 
 
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

     
 

Il cussegl da fundaziun che sa cumpona dal presidi e dals commembers da las giurias da las cuminanzas linguisticas, assegna er ils premis Schiller da la Banca Chantunala da Turitg.

La Fundaziun Schiller svizra è ina corporaziun independenta, suttastà dentant a la supervisiun dal Departament federal da l’intern (Uffizi federal da cultura). L’uniun „Auturas ed auturs da la Svizra“ (AdS) è represchentada cun in commember en il cussegl da fundaziun.
L’onn 2005 ha la Fundaziun Schiller svizra festivà ses 100avel anniversari. Cun quella chaschun è cumparida la publicaziun festiva:
Schweizerische Schillerstiftung / Fondation Schiller suisse / Fondazione sivzzera Schiller / Fundaziun Schiller svizra 1905-2005. Editurs: Estelle Schiltknecht e Ernst Nef. 2 toms, 110 paginas.

La publicaziun festiva è bain illustrada e cuntegn ina survista sur da l’istorgia da la fundaziun, mintgamai in concept extendì davart ils premiads da mintgina da las quatter cuminanzas linguisticas sco er il register cumplet da tut las auturas ed ils auturs premiads da la fundaziun durant tschient onns.
La publicaziun festiva po vegnir retratga per il pretsch da
CHF 45.- al secretariat da la fundaziun. 

 

-> enavos