sur da nus   actualitad   premiads   cussegl da fundaziun e giuria   istorgia faq contact   links
e-mail   DE   FR   IT   RUM
                                             
                                             
     
 

La Fundaziun Schiller svizra è vegnida fundada l'onn 1905. Ella è stada l'emprima instituziun svizra che ha promovì la litteratura. Per questa lavur ha ella collavurà stretgamain cun la Confederaziun. Ella è dentant era vegnida sustegnida da chantuns, vischnancas e persunas privatas. Ina da las incumbensas principalas ils emprims onns è stà il sustegn d'auturas ed auturs en difficultads finanzialas. Cun il temp è la fundaziun dentant sa concentrada pli e pli sin la surdada da premis da litteratura naziunals. Ina grond'impurtanza ed in grond renum aveva il Grond Premi Schiller che è vegnì surdà vetg giadas tranter 1920 e l'onn 2012.
Ils davos trent'onns dal 20avel tschientaner han ils chantuns e las citads pli e pli cumenzà da promover sez la litteratura, ed il sustegn per la Fundaziun Schiller è vegni pli pitschen.

L'onn 2012 ha era la Confederaziun cumenzà a surdar agens premis da litteratura. Sin quai è la collavuraziun tranter la Fundaziun Schiller svizra e l'Uffizi federale da la cultura ida a fin.En in rom pli modest vul la Fundaziun Schiller svizra dentant cuntinuar cun sias actividads a favur da la litteratura svizra e surdar vinavant premis per la producziun litterara en las quatter linguas naziunalas. Cun il Premi "Terra nova" che exista dapi l'onn 2013 vegnan onurads auturas ed auturs a l'entschatta da lur carriera litterara sco era traducturas e traducturs.

-> 100 onns Fundaziun Schiller svizra

-> Grond Premi Schiller

-> Premi Schiller 1908-2012 (urden cronologic)

--> Premi Schiller 1908-2012 (urden alfabetic)